Ijara shartnomasini hisobga qo‘yish

Yuridik va jismoniy shaxslar bilan  tuziladigan ko‘chmas mulk ijarasi yoki tekin foydalanish shartnomalarini davlat soliq xizmati organlarida hisobga qo‘yish bo‘yicha davlat xizmatini ko‘rsatish tartibi Ijara yoki tekin foydalanish shartnomalarini  yoki soliq to‘lovchilarni hisobga qo‘yish sohasidagi ayrim davlat xizmatlarini ko‘rsatish bo‘yicha ma’muriy reglamentlar (VMQ № 150, 02.04.2022 y.) bilan tartibga solinadi.

Qaysi shartnomalarni hisobga qo‘yish kerak

Ko‘chmas mulk ijara yoki tekin foydalanish shartnomalari (keyingi o‘rinlarda-ko‘chmas mulk shartnomalari) davlat soliq xizmati organlariga  hisobga  qo‘yilishi kerak.

Mulkini arendaga (tekin foydalanishga)  beruvchi  shartnoma tuzilgan kundan e’tiboran uch ish kunidan kechikmagan holda ko‘chmas mulk shartnomasini davlat soliq xizmati organlariga hisobga qo‘yishi shart.  

Yuridik shaxsni yashab turgan joyi sifatida davlat ro‘yxatidan o‘tkazish  turar-joy  binosida ko‘rsatilishi kerak.

Ijara shartnomasi qanday hisobga qo‘yiladi

Ko‘chmas mulk ijara shartnomasini  davlat soliq xizmatlari organlarida hisobga qo‘yish  faqat elektron shaklda O‘zbekiston Respublikasi davlat soliq qo‘mitasining maxsus  avtomatlashtirilgan  axborot tizimida,  muayyan vaqt  rejimida, soliq to‘lovchining  shaxsiy kabineti orqali masofadan amalga oshiriladi.

 Ijaraga beruvchi maxsus  avtomatlashtirilgan  axborot tizimi vositasida ijaraga beruvchi, ijaraga oluvchi  va ijaraga (tekin foydalanishga)  berilayotgan  mulk to‘g‘risida  maxsus forma bo‘yicha  ma’lumotlarni shakllantiradi.

Agar ijaraga  beruvchi tomonidan soliq to‘lovchining shaxsiy kabineti orqali yuborilgan ko‘chmas mulk shartnomasi 5 kun ichida arendaga oluvchi tomonidan  tasdiqlanmasa, shartnoma davlat soliq xizmatlari organiga hisobga qo‘yilmagan hisoblanadi. 

Elektron formada  hisobga qo‘yilganda ko‘chmas mulk shartnomasini hisobga qo‘yilganligi to‘g‘risida  QR-kodi bo‘lgan  guvohnoma shakllantiriladi.

Guvohnomaning haqiqiyligi maxsus mobil ilova orqali tekshirib ko‘rish bilan aniqlanadi.  Guvohnomaning QR-kodi tekshirilganda hisobga qo‘yilgan ko‘chmas mulk ijara shartnomasining elektron shakliga XML formatida havola qilinadi.

Soliq to‘lanadigan ikki va undan ko‘p ob’ektlari mavjud bo‘lgan yuridik va jismoniy shaxslarning har bir ko‘chmas mulk shartnomasi  bo‘yicha  soliq organiga hisobga qo‘yish haqida alohida  guvohnoma beriladi.

Ko‘chmas mulk shartnomasi muddatidan ilgari bekor qilinganda u ijaraga beruvchi tomonidan muayyan vaqt rejimida maxsus avtomatlashtirilgan  axborot tizimi  vositasida hisobdan chiqariladi.

E’tibor bering, turar-joy va noturarjoy  binolari ijarasi uchun eng kam stavkalar mavjud.