Buxgalterlik  autsorsingiga  o‘tishdan ilgari o‘ylab ko‘riladigan 5 holat

Buxgalterlik autsorsingiga o‘tishning  arzir-arzimasligi, xizmat provayderini qanday to‘g‘ri tanlash  haqida biz ilgari ham yozgan edik. 

Harqalay, siz  autsorsga o‘tishga  qaror qilgan bo‘lsangiz,  unga o‘tgunga qadar  bir necha masalalarni puxta o‘ylab ko‘rishingizga  to‘g‘ri keladi.

O‘tishning qanchalik foydali ekanligini hisoblab chiqish

Buxgalterlik xizmatiga o‘tish qanchaga tushishini  hisoblab ko‘rishni tavsiya etamiz:  Buxgalterlik xizmatini yuritishga ketayotgan: oylik maoshlar, maoshlardan chegirmalar va ish joyini jihozlash xarajatlarini hisoblab chiqish;

Xizmat provayderlari qoplaydigan  moliyaviy tavakkalchilik miqdorini:  soliq bo‘yicha hisobotni o‘z vaqtida to‘lamaganligi  uchun  jarimalar va peniyalarni hisoblab ko‘rish.

Qo‘shimcha xizmatlar

Kompaniya rahbari yoki koordinatori jarayonni boshlashdan ilgari buxgalterlikdan tashqari yana qanday qo‘shimcha xizmatlar talab etilishi zarurligini o‘ylab ko‘rishi, shuningdek buxgalterlik xizmati deganda aynan nimalarni tasavvur etishini oydinlashtirib  olishi zarur.

Ko‘pincha, mijoz bilan autsorser o‘rtasida bir masala borasida tushunmovchilik kelib chiqadi.  Ya’ni, masalan kompaniya – buxgalterlik xizmatlari paketiga huquqiy xizmatlar ham kiradi, deb o‘ylaydi,  autsorser esa bunday xizmatni amalga oshirmaydi yoki bu singari xizmatni alohida to‘lov evaziga qilishi mumkin. Natijada tomonlar o‘rtasidagi hamkorlikka  darz ketadi.

Autsorsingga  o‘tishga qadar sizga beriladigan maslahatlarni hisobga olgan holda, qo‘lga kiritilishi    kutilayotgan xizmatlarning to‘liq  ro‘yxatini tuzib chiqishingizni  tavsiya etamiz.

Loyiha koordinatori

O‘tish jarayonini boshlashdan ilgari autsorserlar bilan muloqot  olib boradigan  xodimni aniqlab olish zarur.

Kompaniya autsorserlar oldiga  qanday maqsad va vazifalar  qo‘yishini, bundan qanday natijalar kutish mumkinligini, ishning  qay bir tizimi maqbul ekanligini, o‘tish muddatlarini koordinator yaxshi bilishi  kerak.

Ushbu ma’lumotlarning barchasini koordinator provayderga  yetkazadi  va uning bilan  shartnoma tuzadi. Shartnoma  qanchalik batafsil va mukammal bo‘lsa, har bir tomon  o‘zini shunchalik xotirjam his etishi mumkin bo‘ladi.

Inventarizasiya  o‘tkazish va hujjatlar ro‘yxatini tuzish

Hujjatlarni  autsorserlarga  berishdan ilgari  ularni  to‘liq ro‘yxatini  tuzishni tavsiya etamiz.

Bu –  hujjatlarni hisobga olish va saqlashning mavjud  tizimini baholash, qanday hujjatlarning  qo‘llarida borligi va qaysilarini  to‘plash kerakligini aniqlash, shuningdek qandaydir hujjatlar kerak bo‘lib qolganda, uni kim yo‘qotgani to‘g‘risidagi  bahslarning oldini olish imkonini beradi. 

O‘zgarishlarga  tayyorgarlik ko‘rish

Har qanday  o‘zgarishlar tashvishlarsiz amalga oshmaydi.  Xodimlar har doim   ilgari  qanday bo‘lganiyu, hozir qanday ekanligini  solishtira boshlaydilar.

Muhimi, talvasaga tushmaslik!

Agar hisob-kitoblar yangi tizimining sizga noqulayligi,  talablarning  maqsadga muvofiq emasligi sezilsa,  bu holni provayder bilan muhokama qilish mumkin.

Autsorserlar buxgalterlik hisob-kitoblarni yuksak saviyada olib borish standartlariga ixtisoslashadilar. Bu esa pirovardida  sizning kompaniyangizning buxgalterlik  hisoboti holatida ijobiy aks etadi va har qanday tekshirishlardan  oson va qiyinchiliklarsiz o‘tish imkonini beradi.

Yangiliklar va maqolalar

barcha maqolalar