Toshkentdagi  autsorsda buxgalterlik xizmatlari

Internetdagi  b2b yo‘nalishida “Toshkentda  buxgalterlik xizmatlari” degan qidiruv so‘rovi juda ommaviylashgan.  Muloqotlarda esa eng ko‘p beriladigan savollardan biri shuki – autsorsing  kopaniyalari tomonidan taqdim etiladigan xizmatlar ro‘yxatiga  aynan nimalar kiradi?

Autsorsing nima?

«Autsorsing» ingliz tilidagi “outsourcing” so‘zidan olingan bulib, “tashqi zahiralardan foydalanish” degan ma’noni anglatadi. Ya’ni  bu muayyan ish jarayonlarini kompaniya shtatiga kirmaydigan tashqi mutaxassislarga  topshirish demakdir.

Odatdagidek, autsorsingga mutaxassislikka oid bo‘lmagan, ya’ni o‘sha kompaniyaning asosiy biznesi yo‘nalishida bo‘lmagan jarayonlar topshiriladi. Shu tarzda resurslardan foydalanish ishlarini optimallashtirishadi va diqqatlarini o‘zlarining to‘liq hajmda  o‘sish va rivojlanishlariga qaratishi mumkin.   

Autsorsingga nafaqat buhgalteriya hisobotini  olib borish, balki huquqiy xizmat,  IT xizmati, marketing, savdo ishlarini va HR bo‘limlarini ham topshirish mumkin. Ya’ni  autsorsga aslida barcha biznes jarayonlarni topshirsa bo‘ladi. 

Buxgalterlik kompaniyasi qanday xizmatlarni taqdim etadi

O‘tgan yili biz  buxgalterlik kompaniyasini  qanday qilib to‘g‘ri tanlash to‘g‘risida  yozgan edik. Bugun buxgalterlik  xizmatlariga nimalar kirishi masalasini muhokama etamiz.

Odatda kompaniya buxgalterlik xizmatining bazaviy  paketiga quyidagilar kiradi:

•          Boshlang‘ich hujjatlarni tayyorlash;

•          Soliqqa tortish masalalari bo‘yicha maslahatlar;

•          Ish haqi hisob-kitoblari va kadrlarni hisobga olish;

•          Soliq va moliya hisob-kitoblarini tayyorlash;

•          Nazorat qiluvchi organlar tomonidan o‘tkazilgan  tekshiruvlarda ishtirok etish;

•          Mijozlarni qonunchilikdagi  o‘zgarishlardan  xabardor qilish.

Qo‘shimcha xizmatlar

Qo‘shimcha xizmatlarga  autsorsing  kompaniyasi bir martalik yoki barcha  mijozlarga  kerak bo‘lmaydigan quyidagi xizmatlarni kiritish mumkin:  

•          O‘tgan davrlar uchun buxgalterlik hisobotlarini tiklash;

•          Hisob-kitob siyosatini tashkil etish;

•          Soliq to‘lash bo‘yicha tahlil (optimallashtirish, qonunchilik tahlili).

Boshqa mutaxassislar xizmati

Negadir shunday holat   paydo bo‘lganki, ko‘pgina  rahbarlar buxgalterdan hujjatlar bilan bog‘liq bo‘lgan barcha ishlarni bajarishini kutadilar. Ular nafaqat buxgalteriya hisob-kitoblarini olib borishni, balki shartnomalarni tuzishni, eksport-import  amaliyotlari bo‘yicha maslahatlar  berishni, barcha mijozlarga xatlar tayyorlash  va boshqa ishlarni  bajarib borishni talab etadilar.

Bularning barchasi bir-biriga bog‘liq sohalar, ammo  buxgalterning ishi emas.  Axir biz travmotologdan   tishni davolashni, yoki taksi haydovchisidan  motorni ta’mirlashni  talab etmaymiz-ku.

 Biroq buxgalterlik kompaniyalarining  ularning  mijozlariga yordamlashadigan bir-biriga bog‘liq sohalar bo‘yicha ham hamkorlari bor.

Tushunmovchiliklar qanday bartaraf etiladi

Keyingi bahs-munozara va janjallarni oldini olish uchun shartnomani imzolash bosqichida  provayder bilan  xizmatning asosiy paketiga kiradigan  barcha xizmatlarni  batafsil  muhokama qilib olishni tavsiya etamiz.  Yaxshisi xizmatlarning barchasini  shartnomaga kiritish kerak.