UZ 
04-10-2022 
admin 
Maslahatlar berayotgan paytda ko‘pincha bizdan kompaniyani qaysi holatlarda davlat ro‘yxatidan qayta o‘tkazish kerakligi haqida so‘raydilar.
Muddatlarini ham ko‘rsatgan holda, shu davr mobaynida ro‘yxatdan o‘tish va qayta ro‘yxatdan o‘tish ishlarini amalga oshirish haqida kichikroq eslatma berishga qaror qildik.
E’tibor bering, jarimalar, shu jumladan ro‘yxatdan o‘tish va qayta ro‘yxatdan o‘tish borasidagi ma’lumotlarni bermaganlik uchun ham mavjud.
Vazirlar Mahkamasining 09.02.2017 yildagi (№ 66) “Tadbirkorlik sub’ektlarini davlat ro‘yxatidan o‘tkazish tartibi” to‘g‘risidagi Nizomida davlat ro‘yxatidan o‘tkazish (qayta ro‘yxatdan o‘tkazish)ga sabab bo‘ladigan o‘zgartirish va qo‘shimchalar ro‘yxati ko‘rsatilgan.
Т/р | Ro‘yxatdan o‘tkazish ma'lumotlarining nomi | Amalga oshirish muddati |
TADBIRKORLIK SUB'EKTLARI - YaKKA TARTIBDAGI TADBIRKORLAR | ||
1 | Yuridik shaxs tashkil etmagan oilaviy tadbirkorlik sub'ekti ishtirokchilari tarkibidagi o‘zgarishlar | o‘zgargan paytdan boshlab 10 kun mobaynida |
2 | Yakka tartibdagi tadbirkor faoliyatini amalga oshirish joyining o‘zgarishi | o‘zgargan paytdan boshlab 10 kun mobaynida |
3 | Oilaviy tadbirkorlik sub'ekti faoliyati turidagi o‘zgarishlar (qo‘shimchalar), yo‘nalishidagi o‘zgarishlar | o‘zgargan paytdan boshlab 30 kun mobaynida |
4 | Yakka tartibdagi tadbirkor ro‘yxatdan o‘tkazish ma'lumotlaridagi, shu jumladan faoliyat turidagi, yo‘nalishidagi o‘zgarishlar (qo‘shimchalar) | o‘zgargan paytdan boshlab 30 kun mobaynida |
TADBIRKORLIK SUB'EKTLARI - YuRIDIK ShAXSLAR | ||
5 | Joylashgan joyining (pochta manzilining) o‘zgarishi (bazaviy hisoblash miqdorining uch yuz baravaridan ortiq soliq qarzi mavjud bo‘lmagan taqdirda) | o‘zgargan paytdan boshlab 10 kun mobaynida |
6 | Ta'sis hujjatlari ma'lumotlaridagi, shu jumladan ta'sis hujjatlarining firma nomlaridagi, tashkiliy-huquqiy shakllaridagi, ustav fondi miqdoridagi, muassislar tarkibidagi, shuningdek boshqa o‘zgarishlar bilan bog‘liq bo‘lgan o‘zgarishlar (qo‘shimchalar) | tegishli o‘zgarishlar vakolatli shaxs tomonidan tasdiqlangan paytdan boshlab 30 kun mobaynida |
7 | Muassislarning (ishtirokchilarning) ustav fondidagi ulushlari (hissalari) o‘zgarishi, aksiyadorlik jamiyatlari bundan mustasno | tegishli bitim amalga oshirilgan paytdan boshlab 30 kun mobaynida |
8 | Tadbirkorlik sub'ektlarining qayta tashkil etilishi (qo‘shib yuborish, qo‘shib olish, qayta tuzish, bo‘lish, ajratib chiqarish) | qayta tashkil etilgan paytdan boshlab 30 kun mobaynida |
Ushbu maqolani do'stlaringiz bilan baham ko'ring:
