Касаначиларни ишга қабул қилишнинг ижобий жиҳатлари

надомники

Кичик бизнес, аслида ҳар доим харажатларни мақбуллаштириш ҳолатида  фаолият юритади  ва ишга касаначиларни  жалб этишни муҳим тадбирлардан бири деб билади.

Асосий ижобий жиҳатлар:

Товарлар ишлаб чиқариш (ишларни бажариш ва хизматлар кўрсатиш) учун касаначиларга буюртмалар берган корхоналар меҳнат шартномасига мувофиқ касаначиларга тўланадиган маблағ миқдорида меҳнатга ҳақ тўлаш жамғармасидан ягона ижтимоий тўловни тўлашдан  2006 йил 1 февралдан – 2021 йилнинг 1 январига қадар солиқлардан озод қилинади.

2017 йилнинг 1 июлидан бошлаб касаначилар учун жисмоний шахсларга қўлланиладиган даромад солиғи қатъий 7,5 фоиз миқдорида белгиланди. Яъни солиқнинг жисмоний шахслар даромадларига солинадиган энг кам миқдори даромадларнинг ҳар қандай даражасида қўлланилади.

кичик бизнес учун касаначилар билан меҳнат шартномалари  тузишда, ходимлар сонининг чекланган нормативидан кўпи билан 30 фоиз ошган миқдорда меҳнат шартномалари тузилганда кичик корхоналар учун назарда тутилган кафолатлар, имтиёзлар ва преференциялар сақлаб қолинади.

касаначилик ишлари амалга оширилаётган биноларни нотураржой категорияларига  утказиш талаб этилмайди.

касаначилар меҳнатига ҳақ ишбай асосда тўланади. Тўловлар, аниқ бажарилган ишлар ёки ишлаб чиқарилган маҳсулотларга қараб  тўланади. Шунга мувофиқ, айни идора ходими белгиланган соатларни хонада ўтириб ўтказаётган бир пайтда касаначи ишни тезроқ ва сифатлироқ бажаришга интилади.

идора майдонининг ва иш жойининг  (стол, стул, компьютерларнинг) қисқариши,  коммунал тўловлар ва идора харажатлари (ўша чой, кофе ва салфеткалар) учун чиқимларнинг  қисқариши.


Шубҳасиз, ходим барча категориялар буйича касаначиликни бўйнига олавермайди, лекин агар харажатларни мақбуллаштириш имконияти бўлса, ўйлаймизки, штатдаги ходимлар таркибини яхшироқ таҳлил этиб кўриш фойдадан холи бўлмайди.

07.04.2018